எழுத்தின் பரம்பல் - இறுதி நிலை எழுத்துக்கள் அல்லது சொல் இறுதியில் வரும் எழுத்துக்கள்

இறுதிநிலை எழுத்துக்கள்

இறுதி நிலை என்பது ஒரு எழுத்து சொல்லாக்கத்தில் சொல்லின் இறுதியில் இடம் பெறுவதை குறிக்கும்.

• எ, ஒ, ஔ தவிர்ந்த ஏனைய உயிர் எழுத்துக்கள் சொல்லாக்கத்தில் இறுதி நிலையில் வருகின்றன 

      எடுத்துக்காட்டு

1. அ - நட , கட , நல்ல, பெரிய, பல, சில
2. ஆ - வா , நிலா, பூங்கா
3. இ - படி , நடி , பணி, புலி, எலி , நன்றி
4. ஈ - நீ , தீ
5. உ - உப்பு , கரும்பு , நன்று , இன்று , பங்கு
6. ஊ - பூ
7. ஏ - நானே , அவனே , என்னே
8. ஐ - தலை , மலை , தென்னை , பனை
9. ஓ - போ, யாரோ , அறிந்தோ , அறியாமலோ

• எகரம் பழந்தமிழிலும் சொல் இறுதியில் இடம் பெறவில்லை
• ஒகரம் பழந்தமிழில் "தொ" என்னும் சொல்லில் மட்டும் சொல் இறுதியில் இடம்பெற்றது.
• ஔகாரம் பழந்தமிழில் கௌ, வௌ ஆகிய சொற்களில் மட்டும் இறுதி நிலையில் இடம்பெற்றது. இச்சொற்கள் கௌவு, வௌவு என பிற்காலத்தில் வடிவ மாற்றம் அடைந்தன.
• ஏகாரம் இடைச்சொல் ஆகவே இறுதி நிலையில் இடம் பெறுகின்றது
• ஒகரம் பெரும்பாலும் இடைச்சொல் ஆகவே இறுதி நிலையில் இடம் பெறுகின்றது

• மெய்யெழுத்துக்களில் ண், ம், ன் ஆகிய மூன்று மெல்லினங்களும் ய், ர், ல், ழ்,ள் ஆகிய 5 இடையினங்களும்  சொல்லாக்கத்தில் இறுதிநிலையில் வருகின்றன. 

      எடுத்துக்காட்டு 

1. ண் - மண், பின் , கண், பெண்
2. ம் - நாம் , மனம் , இடம் , நிலம்
3. ன் - நான் , மான் , பொன்
4. ய் - மெய் , மெய் , வாய் , நாய்
5. ர் - போர் , பயிர்
6. ல் - சொல் , நெல் , கல்
7. ழ் - வாழ் , வீழ் , மகிழ்
8. ள் - மகள் , அவள் , வாள்

• தமிழ்ச் சொற்களில் வல்லின மெய்கள் இறுதி நிலையில் வருவதில்லை எனினும் தற்காலத் தமிழில் வழங்கும் பிறமொழிச் சொற்களையும், இடப்பெயர் களையும் , ஆட் பெயர்களையும் எழுதும்போது இவையும் இறுதி நிலையில் இடம்பெறுகின்றன.

     எடுத்துக்காட்டு

1.  க் - ஈராக் , பேங்காக் , கேக்
2.  ச் - சூரிச், டோர்ச்
3.  ட்-  லெனின்கிராட் , டேவிட்
4.  த்- பக்தாத் , ரோலண்ட்பார்த்
5.  ப் -  யோசப்
6.  ற்- பெப்பர்மின்ற்

• பிற மொழி  பெயர்களை தமிழில் எழுதும்போது ஜ், ஸ், ஷ், ஹ் ஆகிய கிரந்த எழுத்துக்களும் தற்காலத் தமிழில் சொல் இறுதியில் வருகின்றன

     எடுத்துக்காட்டு

1.   ஜ்- ஜோர்ஜ்,  மிஃராஜ் 
2.   ஸ்- பீரிஸ், பெர்னாண்டஸ்
3.   ஷ்- ரமேஷ்
4.   ஹ் - நிக்காஹ், நுஹ்

• பழந்தமிழில் ஞ், ந், வ் ஆகிய மெய்கள்  அரிதாக சில சொற்களில் இடம் பெற்றன.

     எடுத்துக்காட்டு 

1. உரிஞ் (உராய்தல்)
2. வெரிந் ( முதுகு)
3. தெவ் (பகை)

• நகரம் தற்காலத் தமிழில் ரஜினிகாந்த் விஜயகாந்த் போன்ற பெயர்களில் இறுதியில் இடம் பெறுகின்றது

• நகரம் பழந்தமிழில் சொல் இறுதியில் இடம்பெறவில்லை. தென்கிழக்காசிய இடப்பெயர்கள் , ஆட் பெயர்களை எழுதும்போது தற்காலத் தமிழில் இறுதி நிலையில் இடம்பெறுகின்றது எடுத்துக்காட்டு 

1. ஹொங்கொங்
2. பீஜிங்
3. மாஓசேதுங்

முதனிலை எழுத்துக்கள் பகுதிக்கு செல்ல »»»»