பழமொழிகளும் அதன் கருத்துக்களும்
பழமொழிகள்
பழமொழிகளின் முக்கியத்துவம்:
* அனுபவ அறிவு: பழமொழிகள் பல தலைமுறைகளின் அனுபவத்தை சுருக்கமாக வெளிப்படுத்துகின்றன.
* வாழ்க்கை நெறி: வாழ்க்கையில் கடைப்பிடிக்க வேண்டிய அறநெறிகளையும், ஒழுக்கங்களையும் எடுத்துரைக்கின்றன.
* சுருக்கமான விளக்கம்: சிக்கலான கருத்துகளை எளிமையாகவும் சுருக்கமாகவும் விளக்குகின்றன.
* மொழி வளம்: இவை மொழியின் வளத்தையும், அழகையும் மேம்படுத்துகின்றன.
* சமூகப் பண்பாடு: ஒரு சமூகத்தின் பண்பாடு, வரலாறு, வாழ்க்கை முறை ஆகியவற்றை உணர்த்துகின்றன.
சில பிரபலமான பழமொழிகளும் அவற்றின் விளக்கங்களும்:
- சண்டிக் குதிரைக்கு நொண்டிச் சாரதி - பொருத்தமற்ற நியமனம்.
- சாகத் துணிந்தவனுக்கு சமுத்திரம் கணுக்கால் அளவு - அச்சமின்மை
- சாட்சிக்காரன் காலில் விழுவதிலும் சண்டைக்காரன் காலில் விழலாம் - உரியவரிடம் சென்று பிரச்சனையை தீர்க்க வேண்டும்
- சாதுமிரண்டால் காடு கொள்ளாது - அடங்கா கோபம்
- சாண் ஏற முழம் சறுக்கும்- உயர்ச்சியை மிஞ்சிய தாழர்ச்சி
- சித்திரமும் கைப்பழக்கம் செந்தமிழும் நாப்பழக்கம் - பரீட்சையம் அல்லது எதையும் தொடர்ந்து செய்தால் வெற்றி உண்டாகும்.
- சிறுபிள்ளை வேளாண்மை வீடு வந்து சேராது - தகுதியற்றவர் முயற்சி பயன்தராது.
- சிறுதுள்ளி பெருவெள்ளம் - சிறுகச் சிறுகச் சேர்த்தால் அதிகம் சேரும்.
- சிறு துரும்பும் பல் குத்த உதவும் - சிறு பொருளையும் பாதுகாக்க வேண்டும்.
- சுடர்விளக்காயினும் தூண்டுகோல் ஒன்று வேண்டும் - முன்னேற்றத்திற்கு துணை வேண்டும்.
- சுண்டைக்காய் காப்பணம் சுமை கூலி முக்கால் பணம் - கூடிய முயற்சியில் குறைந்த பலன்/ வரவை விட செலவு அதிகம்.
- சுத்த வீரனுக்கு உயிர் துரும்பு - அச்சமின்மை
- சும்மா வந்த மாட்டின் பல்லைப் பிடித்துப் பாராதே - இலவச பொருளின் தரத்தை அறிய தேவையில்லை.
- சும்மா கிடக்கிற சங்கை ஊதிக் கெடுத்தான் ஆண்டி - தானாக பிரச்சனையை உண்டு பண்ணல்.
- சுயபுத்தி போனாலும் சொற்பூத்தி வேண்டாமா - அறிவுரையை கேட்டு நடக்க வேண்டும்.
- சுவருக்கும் காதுண்டு - அவதானமாக கேட்டு நடக்க வேண்டும்.
- சுவர் இருந்தால்தான் சித்திரம் வரைய வேண்டும் - உயிரைப்பேண உடம்பை பேணல் வேண்டும்.
- சுவாமி வரம் கொடுத்தாலும் பூசாரி இடம் கொடுக்க மாட்டான் - இடைத்தரகரின் இடை ஈடு.
- சூடு கண்ட பூனை அடுப்பங்கரையை நாடாது - அனுபவம் தீய வழியில் செல்லாது
- செட்டியார் வாழ்வு செத்தால் தெரியும் - வெளிப்பகட்டு கலைந்தால் உண்மை விடயங்கள் வெளிவரும்.
- செத்தும் கொடுத்தான் சீதக்காதி - கொடைச் சிறப்பு
- செய்வன திருந்தச் செய் - எதையும் திருத்தமாக செய்தல் வேண்டும்.
- செத்த நாய் திரும்பக் கடியாது - வலிமையற்றவரால் எந்தப் பயனும் இல்லை
- செல்வம் என்பது சிந்தனையின் நிறைவே - மனதிருப்தியே சிறந்த செல்வம்
- செவிடன் காதில் ஊதிய சங்கு - கேட்காதது போல் இருத்தல்
- சேற்றிலே புதைந்த யானையை காக்கையும் கொத்தும் - வலியவர் நிலை தாழ்ந்தால் எளியவரும் வருத்துவர்
- சேற்றிலே முளைத்த செந்தாமரை - இழிந்த இடத்தில் சிறந்த பொருள்
- சைகை அறியாதவன் சற்றும் அறியான் - குறிப்பறிதலின் அவசியம்
- சொப்பனம் கண்ட அரிசி சோற்றுக்ககு ஆகுமா - பயனின்மை
- சொல்லுகிறது ஒன்று செய்கிறது ஒன்று - சொல்லியபடி செய்வதில்லை
- சொல்லாத பிறவாது அள்ளாது குறையாது - காரணம் இன்றி காரியமில்லை
- சொல்லிப் போக வேண்டும் சுகத்திற்கு சொல்லாமல் போக வேண்டும் துக்கத்திற்கு - நன்மைக்கு சொல்லியும் தீமைக்கு சொல்லாமலும் செல்ல வேண்டும்
- சொற்கேளா பிள்ளை குலத்துக்கு ஈனம் -சொற்கேட்டு நடத்தலின் முக்கியத்துவம்
- சொறிந்து தேய்க்காத எண்ணையும் பரிந்து இடாத சோறும் பாழ் - எதையும் பணிவோடும் விருப்பத்துடனும் செய்ய வேண்டும்
- சொன்னதைச் சொல்லும் கிளிப்பிள்ளை - சொன்னதையே மீண்டும் மீண்டும் சொல்லுதல்
- சோழியன் குடுமி சும்மா ஆடாது - பயன் கருதி உதவி செய்தல்
- சோற்றுக்குக் கேடு பூமிக்கு பாரம் - தொழில் செய்து வாழ வேண்டும்
- டெல்லிக்கு ராஜா என்றாலும் தாய்க்கு பிள்ளை தான் - எவ்வளவு உயர்ந்த மனிதன் என்றாலும் அவன் தாயை மதிக்க வேண்டும்.
- தங்கம் தரையிலே தவிடு பானையிலே - முக்கியமற்ற பொருட்களுக்கு முக்கியத்துவம் கொடுத்தல்.
- தங்கச் செருப்பானாலும் தலைக்கு ஏறாது
- தண்ணீரிலே விளைந்த உப்பு தண்ணீரிலே கரைய வேண்டும் - எப்படி தோன்றியதோ அப்படியே அழியும்.
- தம்பி உடையான் படைக்கு அஞ்சான் - சகோதரத்துவத்தின் வலிமை
- சரித்திரப்பட்டாலும் தைரியம் விடாதே - வறுமையிலும் செம்மையாக வாழ வேண்டும்
- தலையிடியும் காய்ச்சலும் தனக்கு வந்தால் தெரியும் - எதையும் நாம் உணரும்போதே அறியலாம்.
- தலை இருக்க வாழ ஆடலாமா?
- தலைக்கு மேல் வெள்ளம் போன பின் சாண் ஓடி என்ன முழம் ஓடி என்ன - துன்பம் வந்தபின் முயற்சி எடுத்துப் பயனில்லை. ஆபத்து வரும் முன்னே தப்பித்துக் கொள்ள வேண்டும்.
- தவளையும் தன் வாயால் கெடும் - நாவடக்கத்தின் அவசியம்.
- தவிட்டுக்கு வந்த கை தங்கத்துக்கும் வரும் - சிறிய பொருளை திருடியவன் பெரிய பொருளையும் திருடுவான்.
- தன்வினை தன்னைச் சுடும் - நாம் செய்வதின் பலன் நம்மையே வந்து சேரும்.
- தன் வீட்டு விளக்கென்று முத்தமிடலாமா? - தீமையானவற்றை தீண்டினால் தீமையே உண்டாகும்.
- தன்னை புகழாத கம்மாளன் இல்லை - தற்புகழ்ச்சி
- தன் குற்றம் இருக்க பிறர் குற்றம் பார்க்கலாமா? - உறவை திருத்தமும் தன்னைத்தானே திருத்த வேண்டும்.
- தனக்கென்று இருந்தால் சமயத்துக்கு உதவும் - சேமிப்பின் முக்கியத்துவம்/ பிள்ளைச் செல்வத்தின் சிறப்பு.
- தாயைத் தவிர தரணியில் சகலமும் வாங்கலாம் - தாயின் மேன்மை
- தாயும் பிள்ளையும் ஆனாலும் வாயும் வயிறும் வேறு - உறவும் உரிமையும் வேறானவை.
- தாயைப் போல பிள்ளை நூலைப் போல சேலை - பிரதிபலிப்பு
- தானாடா விட்டாலும் தன் தசை ஆடும் - உறவின் மேன்மை
- நாமொன்று நினைத்தால் தெய்வம் ஒன்று நினைக்கும் - எல்லாம் விதிப்படி நடக்கும்
- தானே கனியாத பழத்தை தடி கொண்டு அடித்தால் கனியுமா? - வற்புறுத்தி செய்ய முடியாது.
- திக்கற்றவனுக்கு தெய்வமே துணை - கதியற்றவனை கடவுள் காப்பார்.
- திரு ஏற உரு ஏறும் - செல்வம் பெருக தலைக்கனமும் பெருகும்.
- திருடப் போனாலும் திசை வேண்டும் - எல்லாவற்றிற்கும் அதிர்ஷ்டம் தேவை.
- திரை கடல் ஓடி திரவியும் திரவியம் தேடு - எப்பாடுபட்டாவது செல்வத்தைச் சேர்.
- திணை விதைத்தவன் திணை அறுப்பான் வினை விதைத்தவன் வினை அறுப்பான் - செய்த செயலுக்கு ஏற்ற பலனே கிடைக்கும்.
- தீராக் கோபம் போராய் முடியும் - கோபம் கொடியது.
- துட்டரைக் கண்டால் தூர விலகு - தீமைக்கு விலகி நடக்க வேண்டும்.
- துணைக்கு போனாலும் பிணைக்குப் போகாதே - பிணைக்கு நிற்கக்கூடாது.
- துள்ளுகிற மாடு பொதி சுமக்கும் - செருக்குடன் நடப்போர் துன்பமடைவர்.
- தூரத்து தண்ணீர் ஆபத்துக்கு உதவாது
- தூரத்துப் பச்சை கண்ணுக்கு குளிர்ச்சி
- திருப்தியற்ற மரம் தூங்குற நரிக்கு இரை கிடையாது - சோம்பல் கூடாது.
- தேய்ந்தாலும் சந்தன கட்டை மனம் போகாது
- தொட்டில்ப் பழக்கம் சுடுகாடு மட்டும் - சிறுவயதில் பழகிய பழக்கம் முதுமை வரை இருக்கும்.
- தோட்டி போல் உழைத்து துரைபோல் சீவிக்க வேண்டும் தையல் சொல் கேட்டால் எய்திடும் கேடு - பெண் புத்தி அழிவை தரும்.
இவை சில பொதுவான பழமொழிகள் மட்டுமே. ஒவ்வொரு பழமொழிக்கும் ஒரு ஆழமான கருத்தும், வாழ்க்கைக்குத் தேவையான அறிவுரையும் உள்ளது.
கருத்துகள் இல்லை